|
|
|
केन्द्रीय श्रम सल्लाहकार समितिको श्रम नियमावली, २०५० परिच्छेद- ५ समिति र अधिकारीसम्बन्धी व्यवस्था ४५. केन्द्रीय श्रम सल्लाहकार समितिको गठन ः १) ऐनको दफा ६२ बमोजिम गठन हुने केन्द्रीय श्रम सल्लाहकार समितिमा देहायका अध्यक्ष र सदस्यहरू रहनेछन्ः- क) श्रम मन्त्री वा राज्यमन्त्री - अध्यक्ष ख) सचिव, श्रम मन्त्रालय - सदस्य ग) सचिव, पर्यटन मन्त्रालय - सदस्य घ) सचिव, निर्माण तथा यातायात मन्त्रालय - सदस्य ङ) सचिव, कृषि मन्त्रालय - सदस्य च) सचिव, उद्योग मन्त्रालय - सदस्य छ) श्री ५ को सरकारबाट मनोनीत श्रमसम्बन्धी दर्ुइजना विषेशज्ञ -सदस्य ज)) नेपाल उद्योग वाणिज्य महासंघको प्रतिनिधि ३-तीनजना - सदस्य झ)) ट्रेड यूनियन महासंघको प्रतिनिधि ३ -तीन जना - सदस्य ञ) महानिर्देशक, श्रम विभाग - सदस्य-सचिव २) उपनियम -१) को खण्ड -६) बमोजिम मनोनीत सदस्यहरूको पदावधि दर्ुइ वर्षो हुनेछ । ३) श्री ५ को सरकारले आवश्यक देखेमा नेपाल राजपत्रमा सूचना प्रकाशित गरी केन्द्रीय श्रम सल्लाहकार समितिको सदस्यहरूमा आवश्यक थपघट वा हेरफेर गर्न सक्नेछ । ४) केन्द्रीय श्रम सल्लाहकार समितिले आफ्नो बैठकमा आवश्यकतानुसार कुनै स्वदेशी वा विदेशी विशेषज्ञलाई पर्यवेक्षकको रूपमा भाग लिन आमन्त्रण गर्न सक्नेछ । ४६. केन्द्रीय श्रम सल्लाहकार समितिको काम, कर्तव्य र अधिकारः केन्द्रीय श्रम सल्लाहकार समितिको काम, कर्तव्य र अधिकार देहायबमोजिम हुनेछः- क) श्रम नीति सम्बन्धमा श्री ५ को सरकारलाई परामर्श दिने । ख) श्रमसम्बन्धी कानूनमा समसामयिक सुधार गर्ने सम्बन्धमा श्री ५ को सरकारलाई आवश्यक परामर्श दिने । ग) कामदार तथा कर्मचारीहरूको निमित्त आवासको निर्माण सम्बन्धमा श्री ५ को सरकारलाई आवश्यक परामर्श दिने । घ) एपे्रन्टीशसीप तालीमसम्बन्धी नीति निर्माण गर्न श्री ५ को सरकारलाई परामर्श दिने । ङ) आधारभूत व्यावसायिक तालिम सञ्चालन गर्ने सम्बन्धमा श्री ५ को सरकारलाई आवश्यक सल्लाह दिने । च) रोजगारीको अवसरहरू वृद्धि गर्ने सम्बन्धमा श्री ५ को सरकारलाई आवश्यक सल्लाह दिने । छ) श्री ५ को सरकार, व्यवस्थापक र कामदार तथा कर्मचारीहरूको आपसी सम्बन्धको अभिवृद्धि गरी औद्योगिक विकास गर्ने सम्बन्धमा श्री ५ को सरकारलाई आवश्यक सल्लाह दिने । ज) औद्योगिक शान्ति कायम राखी औद्योगिक विकास गर्ने सम्बन्धमा श्री ५ को सरकारलाई आवश्यक सल्लाह दिने । |
  |
